Zvicra do shkatërrojë 9 milionë doza të vaksinës Moderna kundër Covid-19 që kanë mbushur datën e skadencës, me 5.1 milionë vaksina të tjera që do kenë të njëjtin fat deri në shkurt, tha qeveria të mërkurën.
Shpërdorimi pasqyron strategjinë zvicerane për të porositur më shumë vaksina sesa nevojiteshin për të siguruar që popullsia e saj prej rreth 8.7 milionë banorësh të merrte furnizime të mjaftueshme edhe në rast të pengesave të furnizimit ose çështjeve të cilësisë.
Edhe vende të tjera kanë shkatërruar qindra milionë doza vaksinash të skaduara, shkruan Reuters.
“Me këtë strategji të zgjedhur qëllimisht, u pranua se do prokuroheshin shumë vaksina dhe se disa nga dozat e prokuruara do të duhej të shiteshin, të dhurohesin ose ndoshta të shkatërroheshin.” – tha kabineti në një deklaratë.
Që nga fundi i vitit 2020, Zvicra ka marrë 31.9 milionë doza vaksinash nga Moderna dhe furnitorë të tjerë, nga të cilat 16.1 milionë janë bërë ndërsa 3.2 milionë të tjerë u kaluan vendeve të treta, tha qeveria.
