Njerëzit në një plazh në Capbreton të enjten, Franca jugperëndimore
Disa pjesë të Francës dhe Spanjës po shohin një fund tetor jashtëzakonisht të ngrohtë, me pushues që shijojnë temperaturat e ujit prej 20-21C në Rivierën Franceze.
“Ky vit është i jashtëzakonshëm.”– tha Rose-Marie Martini për agjencinë e lajmeve Reuters teksa nxihej në plazh në Nice.
“Në fund të tetorit ftohet normalisht dhe nga Dita e Gjithë Shenjtorëve (1 Nëntor) zakonisht bie shi.”- vazhdoi ajo.
Miliona njerëz që janë të shqetësuar për rritjen e çmimeve të karburantit në Evropë, ende nuk do të duhet të ndezin ngrohësit e tyre.
Megjithatë, mund të jetë gjithashtu një shenjë e ndryshimit të modeleve të motit pas një vere që shënoi nxehtësi ekstreme në Evropë, me zjarre të shumta dhe thatësira.
Ekspertët e klimës thonë se valët e të nxehtit janë bërë më të shpeshta dhe më intensive dhe zgjasin më gjatë, për shkak të ndryshimeve klimatike të shkaktuara nga njerëzit.
Bota tashmë është ngrohur me rreth 1.1C që nga fillimi i epokës industriale dhe temperaturat do të vazhdojnë të rriten nëse qeveritë në mbarë botën nuk bëjnë shkurtime të mëdha të emetimeve.
Siç shkruan BBC, OKB-ja ka paralajmëruar se nuk ka “një rrugë të besueshme” për të mbajtur rritjen e temperaturave globale nën pragun kryesor prej 1.5 gradë Celsius.
Një turiste pranë një vitrine me manekinë të veshur për mot të ftohtë në Barcelonë
Në ditët e ardhshme Nice mund të presë një temperaturë maksimale ditore prej rreth 24 gradë Celsius, me një parashikim të ngjashëm për Malagën në jug të Spanjës.
Franca ka regjistruar temperatura prej pesë deri në gjashtë gradë mbi normalen në 10 ditët e fundit.
Françoise Vimeux, një shkencëtare klimatike në Institutin Kombëtar të Kërkimeve Franceze për Zhvillimin e Qëndrueshëm, tha se ishte “shumë e mundshme” që moti i butë t’i atribuohej ndryshimit të klimës.
“Është shumë në përputhje me parashikimet, me atë që mund të prisni në një klimë më të ngrohtë.”– tha ajo për radion publike franceze.
Një gazetar francez zbuloi një shkallë konfuzioni se çfarë duhej të vishnin jashtë mes bashkëqytetarëve të tij në kryeqytetin Paris.
“Efekti i vapës jonormale në fund të tetorit?”– shkroi Louis San në Twitter. “Sapo kalova dikë me pantallona të shkurtra dhe xhup me kapuç”.
