Pasi u konfirmua në krye të Partisë së Lirisë, Ilir Meta e ka nisur ditën me një mesazh për anëtarët dhe organizatorët e partisë.
Ai shpreh mirënjohje për organizatorët kryesisht të rinj si dhe për të gjithë delegatët e zgjedhur.
Meta thotë se tashmë ka një program për zhvillimin e shpejtë dhe të qëndrueshëm të vendit.
“Një falenderim të përzemërt për të gjithë të rinjtë e mrekullueshëm që organizuan Konventën e Parë të Partisë së Lirisë.
Mirënjohje të gjithë delegatëve për votëbesimin dhe urime të gjithë anëtarëve të Komitetit Drejtues Kombëtar që u zgjodhën.
Tani kemi një Program të qartë për zhvillimin e shpejtë dhe të qëndrueshëm të vendit.
Përfaqësimi i merituar dhe cilësor i të rinjve, një garanci më shumë që Shqipëria u përket të rinjve!”-shkruan Meta
