17 raste të reja me koronavirus janë shënuar në 24 orët e fundit në vendin tonë, nga 302 testime të kryera në total.
Këto janë të dhënat e publikuara më herët sot nga Ministria e Shëndetësisë, e cila gjithashtu bën me dije se në të gjithë vendin, aktualisht janë 244 qytetarë aktivë me COVID-19.
Për fat të mirë gjatë kësaj kohe nuk është shënuar asnjë viktimë.
Ndërkaq janë shëruar 15 qytetarë gjatë 24 orëve të fundit, duke e çuar numrin e të shëruarve në 327 mijë e 963 që nga fillimi i epidemisë.
Ministria e Shëndetësisë përsërit thirrjen ndaj qytetarëve të mos neglizhojnë vaksinimin anticovid, veçanërisht në këtë periudhë të vjeshtës.
Në spitalin COVID 3 po marrin trajtim mjekësor 4 pacientë.
NJOFTIMI I PLOTË
Ministria e Shëndetësisë i bën sërisht thirrje qytetarëve të mos neglizhojnë vaksinimin anticovid, veçanërisht në këtë periudhë të vjeshtës, për të kufizuar rrezikun e përhapjes së infeksionit.
Vaksinimi anticovid kryhet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon: Janë kryer 302 testime, nga të cilat kanë rezultuar pozitivë me COVID19, 17 qytetarë, në këto bashki:
12 në Tiranë, 4 në Gjirokastër, 1 në Lushnje.
Janë 244 qytetarë aktivë me Covid19 në të gjithë vendin.
Aktualisht në spitalin COVID3 po marrin trajtim 4 pacientë. Në 24 orët e fundit nuk ka asnjë humbje jete me SarsCov2.
Janë shëruar 15 qytetarë gjatë 24 orëve të fundit, duke e çuar numrin e të shëruarve në 327,963 që nga fillimi i epidemisë.
Statistika ( 30 Tetor 2022)
Raste të reja ditore 17
Të shëruar në 24 orë 15
Të shtruar në spitale 4
Humbje jete në 24 orë 0
Testime ditore 302
Testime totale 1,997,033
Raste pozitive 331,800
Raste të shëruara 327,963
Raste Aktive 244
Humbje jete 3,593
Shpërndarja gjeografike e rasteve aktive sipas qarqeve:
Tiranë 162
Vlorë 24
Fier 12
Gjirokastër 12
Berat 11
Durrës 8
Elbasan 5
Shkodër 4
Lezhë 3
Korçë 1
Kukës 1
Dibër 1
