Gjiganti bankar zviceran Credit Suisse njoftoi në fundjavë planet për të shkurtuar 9,000 vende pune dhe për të shitur njësinë e saj të marrëveshjeve. Njoftimi vjen pas një sërë skandalesh dhe miliarda frangash humbje.
Sipas bankës, pritet të shkurtohen 2,700 vende pune në tremujorin e fundit të vitit 2022 ndërsa do shkurtohen 9,000 vende pune deri në fund të 2025. Kjo është rreth 17% e fuqisë punëtore të kompanisë prej 52,000 punonjësish.
Ndërhyrja është një përpjekje për të rivendosur besueshmërinë te Credit Suisse. Në fillim të këtij muaji, huadhënësi tha se po shiste hotelin historik me pesë yje ‘Savoy’ në Zyrih për më shumë se 400 milionë franga zvicerane (404 milionë dollarë).
