Organizata bamirëse e të rinjve transgjinorë ‘Mermaids’ i ka kërkuar një gjykate në Britani që t’i heqë statusin e bamirësisë grupit LGB Alliance (LGBA), i cili nxit të drejtat e homoseksualëve.
Organizata bamirëse, e cila tashmë është nën kritika për kundërshtimin publikisht të idesë se njerëzit mund të ndryshojnë gjininë e tyre, ka akuzuar ‘Mermaids’ si ‘thellësisht homofobike’, duke vënë në dukje se LGBA është e vetmja organizatë në Britani që përqendrohet ekskluzivisht mbi të drejtat e lezbikeve, homoseksualëve dhe biseksualëve.
Lëvizja erdhi pasi LGBA u regjistrua si një organizatë bamirësie në Komisionin e Bamirësisë në Mbretërinë e Bashkuar në prill 2021. Aktivistët e të rinjve transgjinorë pretenduan se grupi i të drejtave të homoseksualëve nuk ofronte përfitime për publikun dhe ekzistonte vetëm për të ‘denigruar ata që mbështesin njerëzit trans’.
Michael Gibbon KC, i cili përfaqëson ‘Mermaids’, i tha një gjykate se LGBA po kërkonte të minonte organizatat bamirëse trans si ‘Mermaids’ duke sugjeruar se ata po përhapnin dezinformata. Ai gjithashtu argumentoi se lejimi i LGBA për të mbajtur statusin e saj të bamirësisë mund t’i privojë grupet trans nga financimi i mundshëm.
LGBA ka hedhur poshtë akuzat dhe këmbëngul se ‘Mermaids’ nuk ka të drejtë ligjore të sfidojë ekzistencën e grupit, edhe nëse nuk pajtohet me vlerat dhe besimet e tij.
