Demokrati nga Florida Maxwell Frost është bërë anëtari i parë i Gjeneratës Z i zgjedhur në Kongres. Një ithtar i ‘drejtësisë sociale’, fitorja e Frost erdhi pavarësisht fitoreve të thella të republikanëve në shtet.
Frost mori 58% të votave në Distriktin e 10-të të Kongresit të Floridës, duke mposhtur sfiduesin republikan Calvin Wimbish. Ai mori vendin e Val Demings, një demokrat që fitoi lehtësisht në zgjedhjet e vitit 2016 e ato të vitit 2020.
Diku tjetër në Florida, republikanët regjistruan disa fitore historike, me guvernatorin Ron DeSantis që shënoi një fitore prej 20 pikësh ndaj Charlie Crist kurse senatori Marco Rubio fitoi ndaj Demings me mbi 16 pikë.
Në moshën 25-vjeçare, Frost do jetë anëtari më i ri i Kongresit kur të nisë mandati i ardhshëm i Kongresit. Duke festuar në Twitter, Frost e përshkroi fitoren e tij si historike për Gjeneratën Z, i njohur ndryshe brezi i të rinjve të lindur midis viteve 1997 e 2012.
Platforma e Frost është tipike për demokratët e rinj, me faqen e tij të fushatës që e përshkruan atë si një luftëtar për ‘drejtësinë sociale, racore dhe ekonomike’. Në praktikë, Frost mbështet kujdesin shëndetësor universal, kontrollin e rreptë të armëve, heqjen e karburanteve fosile dhe heqjen e fondeve të policisë dhe lirimin e disa kriminelëve.
Fushata e tij u miratua nga senatorët e fortë përparimtarë, Bernie Sanders dhe Elizabeth Warren, dhe nga Grupi Progresiv i Kongresit.
Me votat që po numërohen ende në disa shtete, republikanët parashikohet të marrin kontrollin e Kongresit, ndërsa Senati është ende një përplasje që nga mëngjesi i së mërkurës.
Biden dhe demokratët mund të falënderojnë Gjeneratën Z për fatin e tyre. Më liberalë se edhe paraardhësit e tyre të mijëvjeçarit, anëtarët e kësaj gjenerate favorizuan kandidatët demokratë në zgjedhjet afatmesme me një diferencë prej 28 pikësh, sipas një sondazhi të CNN.
Millennials, të cilët janë personat midis moshës 30 dhe 44 vjeç, votuan demokratë me një diferencë prej dy pikësh, ndërsa votuesit e moshës 45-65 dhe 65+ favorizuan republikanët me 11 dhe 13 pikë, respektivisht.
