Ligjvënësit amerikanë po kërkojnë të furnizojnë Tajvanin me sa më shumë armatime dhe stërvitje ushtarake amerikane të jetë e mundur, raportoi Washington Post në prag të takimit të planifikuar kokë më kokë të Presidentit Biden me homologun e tij kinez Xi Jinping.
Nëse do të jetë e suksesshme, përpjekja dypartiake do t’i mundësonte Pentagonit të përdorte rezervat e veta të armëve, duke përfshirë sistemet e raketave Javelin dhe Stinger, për të përshpejtuar forcimin ushtarak të Tajvanit, shkroi media të dielën, duke cituar zyrtarë amerikanë.
Raporti, megjithatë, vuri në dukje se miratimi për ndihmën ushtarake të financuar nga taksapaguesit për Taipein mund të varet nga mbështetja e Biden, i cili duhet ‘të kuptojë cilat janë vijat e kuqe’ gjatë takimit të tij me Xi të hënën në Indonezi.
Ligjvënësit që mbështesin përpjekjet me sa duket shpresojnë të shmangin një përsëritje të konfliktit Rusi-Ukrainë.
“Një nga mësimet e Ukrainës është se ne duhet të armatosim partnerët tuaj përpara se të nisë lufta.” – i tha Washington Post-it, Kongresmeni republikan Mike Gallagher.
