Ceremonia e hapjes së Kupës së Botës do të zhvillohet më 20 nëntor, përpara ndeshjes hapëse të Grupit A midis Katarit dhe Ekuadorit. Ndërsa vetëm 4 ditë na ndajnë nga nisja e Kampionatit Botëror, Reuters ka përmbledhur në një artikull gjithçka dihet deri më tani për ceremoninë e hapjes.
Gjithsej 32 skuadra janë kualifikuar në kampionat nga Evropa, Azia, Amerika e Veriut, Amerika e Jugut, Afrika, Australia dhe Lindja e Mesme.
Kur do të bëhet ceremonia e hapjes?
* Ceremonia e hapjes së kampionatit do të zhvillohet më 20 nëntor në orën 14:00, përpara ndeshjes hapëse të Grupit A midis Katarit dhe Ekuadorit.
Plani fillestar ishte që ceremonia e hapjes të mbahej përpara ndeshjes së parë të Katarit që ishte caktuar me 21 nëntor, gjë që do të kishte krijuar situatën e pazakontë të dy ndeshjeve që do të mbaheshin para tij. Kështu ndeshja hapëse e Katarit u ricaktua më pas një ditë më para.
* Presidenti i Ekuadorit, Guillermo Lasso tha se nuk do të marrë pjesë në ndeshjen hapëse të kombit të tij kundër Katarit, duke përmendur trazirat e brendshme.
Ku do të bëhet ceremonia e hapjes?
* Ceremonia e hapjes do të mbahet në stadiumin Al Bayt me kapacitet 60 mijë tifozë dhe që ndodhet 40 km në veri të Dohasit.
* I emëruar dhe projektuar sipas tendave të përdorura nga nomadët në Gji, Stadiumi Al Bayt është vendi më i largët nga Doha qendrore, por gjithashtu një nga më të mëdhenjtë.
Kush do të performojë në ceremoninë e hapjes?
* FIFA ende nuk ka shpallur listën e plotë të artistëve që do të performojnë në ceremoninë e hapjes së Kupës së Botës 2022.
* Grupi BTS i Koresë së Jugut tha se Jungkook, një nga shtatë anëtarët e tij, do të performonte në ceremoni.
방탄소년단 ‘정국’이 2022 FIFA 카타르 월드컵 공식 사운드트랙과 월드컵 개막식 공연에 참여합니다. 많은 기대 부탁드립니다!
Proud to announce that Jung Kook is part of the FIFA World Cup Qatar 2022 Soundtrack & will perform at the World Cup opening ceremony. Stay tuned!#FIFAWorldCup pic.twitter.com/MwJ2kdNRBp— BTS_official (@bts_bighit) November 12, 2022
* Emra të tjerë që janë përfolur në media se do merrnin pjesë në ceremoninë e hapjes përfshijnë yllin kolumbian të popit Shakirën, e cila këndoi këngën zyrtare të Kupës së Botës 2010, grupin Black Eyed Peas, Robbie Williams dhe Nora Fatehi.
* Këngëtarja britanike Dua Lipa nga ana tjetër mohoi raportet se ajo do të performonte në ceremoni.
* Këngëtari Rod Stewart i tha The Times se kishte refuzuar një ofertë prej “mbi 1 milion dollarë” për të performuar në Katar.
Kush performoi në ceremoninë e hapjes së Kampionatit Botëror 2018?
* Kupa e Botës 2018 në Rusi nisi me një ceremoni në Moskë nga ylli britanik i popit Ëilliams dhe sopranoja ruse Aida Garifullina.
* Presidenti rus Vladimir Putin dhe presidenti i FIFA-s, Gianni Infantino mbajtën fjalime në ceremoninë e hapjes së atij viti.
