Disa parti fetare në qeverinë e koalicionit të Izraelit thuhet se i kanë bërë thirrje kryeministrit të zgjedhur Benjamin Netanyahu të prezantojë legjislacionin që do lejonte ndarjen gjinore në veprimtaritë e financuara publikisht. Sugjerimi u kritikua nga opozita, me kryeministrin në largim Yair Lapid që krahasoi politika të tilla me ato të zbatuara nga autoritetet fetare në Iran.
Në raportin e saj të dielën, gazeta e përditshme ‘Israel Hayom’ pretendoi se gjatë bisedimeve të koalicionit në vazhdim, partitë Ortodokse të Judaizmit Tora të Bashkuar dhe Sionizmit Fetar kërkuan që të gjendje një zgjidhje për të anashkaluar ligjet ekzistuese kundër diskriminimit.
Aktualisht, rregullimet e veçanta të ndarjeve meshkuj-femër në objektet arsimore qeveritare, ngjarjet publike dhe në transportin publik janë të ndaluara në mënyrë të qartë në vend.
Partitë fetare megjithatë argumentojnë se qeveria i diskriminon në mënyrë efektive duke ndaluar ndarjen gjinore, të cilën ata e konsiderojnë si një urdhër fetar. Ata pretendojnë se legjislacioni në fuqi kundër diskriminimit u mohon individëve të tillë të drejtën për të marrë pjesë në ngjarje publike.
Sipas raportit, këto parti ultra-ortodokse i bënë disa kërkesa të tjera Netanyahut, duke përfshirë kufizime dramatike në politikat e emigracionit të Izraelit dhe revokimin e njohjes së konvertimeve jo-ortodokse në judaizëm.
Ndërkohë, kryeministri në largim Yair Lapid argumentoi se përpjekjet e ‘nacionalistëve ultra-ortodoksë’ për të ‘vendosur gratë pas barrierave dhe legalizimin e ndarjes së burrave nga gratë’ janë veçanërisht skandaloze në një kohë kur ‘gratë e guximshme në Iran po luftojnë për të drejtat e tyre’.
Kreu i partisë laburiste Merav Michaeli, nga ana e tij, i kritikoi propozimet si antidemokratike.
“Askush nuk ka të drejtë të vendosë për askënd tjetër se ku do të ulet, çfarë do të veshin, nëse do të ndërpresë apo jo një shtatzëni.” – deklaroi ai, duke shtuar se ‘kjo është lufta për demokracinë tonë’.
Sipas Times of Israel, në vitin 2019 partitë fetare i kanë bërë thirrje partisë Likud të Netanyahut që të lejojë ndarjen gjinore, me këtë të fundit që thuhet se ka rënë dakord me kërkesat.
