Moska dhe Teherani kanë thelluar lidhjet e tyre të mbrojtjes sipas një marrëveshjeje në të cilën dronët e projektuar nga Irani do ndërtohen në Rusi për përdorim në Ukrainë, kanë thënë zyrtarët perëndimorë të sigurisë për Washington Post.
Më parë, Moska dhe Teherani mohuan se dërgesat e armëve kishin ndodhur në mes të konfliktit midis Moskës dhe Kievit.
Marrëveshja për t’i dhënë Rusisë linjën e saj të montimit do t’i mundësojë Moskës të zgjerojë me shpejtësi arsenalin e saj të dronëve iranianë relativisht të lirë dhe shumë efektivë, raportoi gazeta të shtunën, duke cituar tre persona të paidentifikuar të njohur me këtë çështje. Marrëveshja thuhet se u ra dakord në fillim të këtij muaji në një takim në Iran.
Sipas WaPo, Rusia dhe Irani po punojnë me shpejtësi për të transferuar mnodelet dhe përbërësit kryesorë për mjetet ajrore pa pilot (UAV), duke bërë që prodhimi të fillojë brenda disa muajsh.
Forcat ruse kanë përdorur tashmë 400 dronë sulmues të prodhuar nga Irani që nga gushti, duke çuar më tej strategjinë e saj të ‘sulmeve të pamëshirshme ajrore mbi qytetet ukrainase’, sipas raportit. dronët vetëshpërthyes të mbushura me eksploziv thuhet se janë përdorur për të rrëzuar objektet e energjisë elektrike dhe infrastrukturën e rëndësishme.
Akuzat për dërgesa armësh nga Irani në Rusi u shfaqën muajt e fundit pasi Moska filloi të përdorë dronët kamikaze në Ukrainë. Kievi këmbëngul se dronët, të njohur si Geran-2, janë në fakt Shahed-136 të prodhuara nga Irani. SHBA dhe aleatët e saj pretendojnë se Irani ka furnizuar Rusinë me drone në kundërshtim me një rezolutë të Këshillit të Sigurimit të OKB-së.
Ministri i Jashtëm iranian Hossein Amirabdollahian ka thënë se kombi i tij i dha Rusisë vetëm një ‘numër të vogël dronësh’ vetëm muaj para fillimit të konfliktit.
