Kryeministri kanadez Justin Trudeau u ftua të paraqitej në një spektakël të ‘RuPaul’s Drag Race’, ku ai predikoi për shumëllojshmërinë.
Trudeau u tha ‘drag queens’ se është ‘kënaqësi e jashtëzakonshme të luftosh një betejë të mirë në anën e duhur’ pasi drejtuesi i shfaqjes e përgëzoi atë që u bë lideri i parë kanadez që mori pjesë në një paradë LGBTQ dhe të qenit një aleat kaq i rëndësishëm, në një video të shpërndarë në rrjetet sociale.
“A mund të shkojmë përtej ‘tolerimit’ dhe të fillojmë të përqafojmë, të duam, të pranojmë, të mësojmë dhe të sfidohemi, kjo është mënyra se si ju ndërtoni një shoqëri elastike, kjo është ajo që ne po përpiqemi të bëjmë në Kanada, dhe ne kemi ka ende shumë punë për të bërë.” – tha 50-vjeçari teksa bënte gjeste me duar e këmbë.
I pyetur për qëndrimin e tij ndaj rritjes së shumëllojshmërisë racore në ‘Veriun e Madh të Bardhë’, kreu i Partisë Liberale tha se ‘ne e bëjmë shumëllojshmërinë më mirë se çdo vend tjetër në botë. Nuk ka rëndësi se çfarë prejardhjeje keni, nga jeni, kë doni, ju e pasuroni këtë vend’.
“E dua shumë sepse njerëz si ai ua kanë bërë të lehtë emigrantëve që të emigrojnë këtu dhe të kenë një mundësi për një jetë më të mirë, kështu që është e këndshme ta shohësh, të jesh këtu me të, është në të vërtetë një ndjesi shumë e bukur.” – tha një anëtar i kastit, i përlotur.
Trudeau deklaroi në vitin 2015 se Kanadaja, një ish-koloni evropiane me një histori të pasur franko-britanike, e pasqyruar në gjëra të tilla si mbajtja e monarkut britanik si kreu i shtetit dhe shumë zakone dhe tradita me origjinë skoceze, tani është një vend ku nuk ka ‘asnjë identitet thelbësor, asnjë rrjedhë kryesore…Këto cilësi janë ato që na bëjnë shtetin e parë post-kombëtar’.
*Drag Quenn – Një burrë që vishet në mënyrë të dukshme me rroba grash
