Të paktën tre persona, duke përfshirë një vajzë të vogël, kanë humbur jetën në ishullin italian të Iskias, pasi një rrëshqitje e shkaktuar nga shiu i rrëmbyeshëm shkatërroi një qytet të vogël, tha zyra e prefektit të Napolit të dielën.
Punonjësit e urgjencës shtuan përpjekjet e kërkimit një ditë pasi një rrëshqitje dheu e shkaktuar nga shiu i rrëmbyeshëm shkatërroi Casamicciola Terme.
Rreth 10 persona janë ende të zhdukur, sipas të dhënave të siguruara nga prefekti më herët të dielën.
Dhjetëra zyrtarë të emergjencës kanë nxituar në ishullin e goditur nga përmbytjet.
Të dielën, ekipet e zhytësve iu bashkuan përpjekjeve, duke kërkuar në ujërat jashtë portit të Casamiçiola, ku një valë balte, mbeturinash dhe gurësh u shkëput nga mali më i lartë i ishullit të shtunën dhe u rrëzua mbi shtëpi dhe rrugë.
Fotot dhe pamjet video ajrore treguan ndërtesat e shkatërruara nga rrëshqitja e dheut dhe disa makina të shtyra në det nga ajo që një banor e përshkroi si ‘një ujëvarë uji e balte’.
Qeveria e re e krahut të djathtë të Italisë e udhëhequr nga Giorgia Meloni mbajti një mbledhje të kabinetit të dielën dhe nxori një dekret që synon ofrimin e ndihmës së shpejtë për njerëzit në nevojë pas katastrofës, duke përfshirë 167 persona që u evakuuan.
Dekreti parashikonte një paketë ndihme fillestare prej 2 milionë eurosh dhe parashikonte pezullimin e pagesave të taksave për banorët deri në fund të vitit.
I populluar dendur, Ischia është një ishull vullkanik i cili shtrihet rreth 30 km në perëndim të Napolit. Ai tërheq vizitorët në banjat e saj termale dhe bregdetin piktoresk.
Statistikat tregojnë se Ischia ka një numër të madh shtëpish që janë ndërtuar në mënyrë të paligjshme, duke i vënë banorët në rrezik të përhershëm nga përmbytjet dhe tërmetet, të cilat shpesh kanë goditur ishullin kodrinor gjatë viteve të fundit.
