Dërgesat e armëve në Ukrainë i kanë zbrazur rezervat e armëve perëndimore, duke e bërë gjithnjë e më të vështirë për ushtritë e NATO-s të respektojnë premtimet e politikanëve për të furnizuar Kievin, raportoi të shtunën New York Times.
“Vendet më të vogla e kanë shteruar potencialin e tyre.” – dhe sipas një zyrtari të NATO-s, të paktën 20 nga 30 anëtarët e bllokut janë ‘në nivele tejet të ulta’, shkruante gazeta. Vetëm ‘aleatët më të mëdhenj’, duke përfshirë Francën, Gjermaninë, Italinë dhe Holandën, kanë rezerva të mjaftueshme për të vazhduar ose për të rritur potencialisht dërgesat e tyre të armëve në Ukrainë.
Që nga fillimi i operacionit ushtarak të Rusisë në Ukrainë në fund të shkurtit, SHBA-ja dhe aleatët e saj perëndimorë i kanë ofruar Kievit miliarda dollarë ndihmë për sigurinë, në shumën prej afro 40 miliardë dollarësh, tani e krahasueshme me të gjithë buxhetin vjetor të mbrojtjes të Francës. Moska ka paralajmëruar vazhdimisht se dërgesat e armëve vetëm do zgjasin konfliktin dhe do rrisin rrezikun e një konflikti të drejtpërdrejtë midis Rusisë dhe NATO-s.
Ndërsa Ukraina vazhdon të kërkojë më shumë armë, rezervat e BE-së po mbarojnë, me Gjermaninë që tashmë ‘ka arritur kufirin e saj’ që nga fillimi i shtatorit. Ndërkohë, Lituania, e cila nuk ka më armë për të dhuruar, u ka kërkuar aleatëve që t’i japin Ukrainës ‘gjithçka që kemi’.
Presidenti i SHBA-së Joe Biden është zotuar të mbajë furnizimet e armëve të hapura për ‘për aq kohë sa duhet’, por edhe rezervat ushtarake amerikane kanë marrë një ‘goditje’ pas dërgesave të përsëritura në Kiev. Qysh në mars, vetëm disa javë pas fillimit të konfliktit në Ukrainë, Departamenti i Mbrojtjes i SHBA-së tashmë po përpiqej të rimbushte magazinat me mijëra raketa që ishin dërguar në Kiev. Deri në gusht, rezervat amerikane të municioneve të artilerisë 155 mm ishin ‘në mënyrë të pakëndshme të ulëta’, sipas Wall Street Journal.
Llogaritë e Pentagonit flasin për më shumë se 19 miliardë dollarë në ndihmë të drejtpërdrejtë ushtarake të miratuar për Ukrainën që nga shkurti, duke përfshirë mbi 46,000 sisteme kundër mjeteve të blinduara, gati 200 obuse, 38 raketa artilerie me rreze të gjatë (HIMARS) dhe një seri armësh të tjera të rënda, automjete municione si dhe mbi 920,000 fishekë artilerie 155 mm.
Qendra kërkimore amerikane Qendra për Studime Strategjike dhe Ndërkombëtare (CSIS) vuri në dukje më parë se ushtria amerikane ‘nuk është e strukturuar për të luftuar ose mbështetur një konflikt të zgjatur’, ndërsa industria e mbrojtjes është ‘projektuar për normat e prodhimit në kohë paqeje’ dhe për zgjerimin e aftësive do duhen vite.
