Federata Portugeze e Futbollit do i tregojë FIFA-s se Cristiano Ronaldo ishte golashënuesi i duhur i golit të parë të skuadrës së tij kundër Uruguait në ndeshjen e së hënës në Grupin H në Kupën e Botës FIFA në Katar, sipas raporteve.
Ish-ylli i Mançester Junajtid, Ronaldo, dukej se i dha Portugalisë epërsinë në minutën e 54-të përpara se lojtarët e Fernando Santos të përfundonin një fitore 2-0, duke rezervuar vendin e tyre në fazën eliminatore të Kupës së Botës – por përsëritjet e mëvonshme dukej se konfirmuan se Ronaldo nuk e preku topin, por goli i është dhënë ish-kolegut të tij te Manchester United, Bruno Fernandes.
Goli, po t’i jepej Ronaldos, do kishte bërë që ai të barazohej me të madhin portugez Eusebio për më shumë gola të shënuar për vendin e tyre në një Kupë Botërore me nëntë të tillë.
Është e paqartë se çfarë provash pretendon Portugalia që mund të anulojë vendimin fillestar të FIFA-s, veçanërisht pasi disa përsëritje me lëvizje të ngadalta u shfaqën për të konfirmuar se krosi i Fernandes goditi rrjetën pa asnjë ndërhyrje nga Ronaldo.
Kjo duket se është mbështetur nga ADIDAS, projektuesit e topit të ndeshjes që përdoret në Katar, i cili vjen i kompletuar me një sensor IMU 500Hz. Ata pretendojnë se të dhënat e tyre tregojnë se Ronaldo ‘përfundimisht nuk ka kontaktuar’ me topin.
Sidoqoftë, Fernandes pranoi pas ndeshjes se nuk ishte aq i sigurt dhe tha se i dukej se Ronaldo kishte marrë kontaktin vendimtar përfundimtar.
Megjithatë, duke përjashtuar çdo ndryshim nga FIFA, duket se Ronaldos do t’i duhet të presë edhe pak për të thyer një rekord tjetër në karrierën e një prej yjeve më të dekoruar të sportit.
