Ish-shefi ekzekutiv i FTX, Sam Bankman-Fried, mohoi të mërkurën se kishte kryer mashtrim në shkëmbimin e tij të kriptove të falimentuar, me miliarda fonde të munguara dhe tha se kishte pasur një ‘muaj të keq’.
Në paraqitjen e tij të parë publike që nga shpërthimi i FTX-së dhe shtëpisë simotër tregtare Alameda Research, më 11 nëntor, Bankman-Fried tha se ai ‘dështoi’ në krye të bursës dhe duhet të ishte përqendruar më shumë në menaxhimin e rrezikut, mbrojtjen e klientit dhe lidhjet midis FTX dhe Alameda.
“Kam bërë shumë gabime.” – tha 30-vjeçari, në një lidhje video në Samitin e DealBook të New York Times.
“Ka gjëra që do jepja gjithçka që të mund t’i bëja përsëri. Unë kurrë nuk u përpoqa të mashtroja ndokënd.”
Miliarderi i falimentuar i kriptove tha gjithashtu se i kishte në llogari 100,000 dollarët e fundit dhe i kishte mbetur një kartë krediti funksionale.
Deklaratat e tij vijnë ndërsa rregullatorët shikojnë se si FTX me bazë në Bahamas përfundoi me një ‘vrimë’ prej 8 miliardë dollarësh në bilancin e saj dhe nëse keqpërdori fondet e klientëve. Ka pasur raporte se FTX i ka dhënë hua klientëve paratë e firmës së tregtimit të kriptomonedhave Alameda të Bankman-Fried për tregti të rrezikshme.
Dikur një ndërmjetës i madh për tregtimin e kriptove, FTX zbuloi se mund të kishte deri në 1 milion investitorë që kërkonin të rikuperonin humbjet e tyre.
