Kina dhe Arabia Saudite po diskutojnë idenë e krijimit të një zone të tregtisë së lirë midis Pekinit dhe shteteve anëtare të Këshillit të Bashkëpunimit për Shtetet Arabe të Gjirit (GCC), njoftoi Al-Arabiya të premten, duke cituar princin e kurorës Mohammed bin Salman.
“Ne kemi diskutuar krijimin e një zone të tregtisë së lirë midis Kinës dhe vendeve të Gjirit Persik.” – tha princi i kurorës, duke folur në samitIN kinezo-arab që filloi në Riad.
Ai shtoi se kombet e atij rajoni dhe Kina po planifikojnë gjithashtu të bashkëpunojnë për të gjetur zgjidhje për ‘problemet e sigurisë së ushqimit dhe energjisë’.
“Ne jemi duke eksploruar mundësinë e bashkëpunimit me Kinën në fushën e zinxhirëve të furnizimit.” – Tha bin Salman.
Presidenti i Kinës Xi Jinping mbërriti në kryeqytetin saudit të mërkurën. Të enjten, ai zhvilloi bisedime të veçanta me mbretin saudit Salman bin Abdulaziz Al Saud dhe presidentin egjiptian Abdel Fattah el-Sisi. Të premten, Xi pritet të marrë pjesë në samitin kino-arab, ku thuhet se do të marrin pjesë 30 liderë të kombeve dhe organizatave arabe.
Kina dhe Arabia Saudite kanë nënshkruar 12 marrëveshje dhe memorandume mirëkuptimi për bashkëpunim në fushat e energjisë së hidrogjenit, fushën e gjyqësorit, arsimin në gjuhën kineze, strehimin, investimet direkte, radio dhe televizionin, ekonominë dixhitale, zhvillimin ekonomik, standardizimin, mbulimin e lajmeve, taksat, administratën dhe luftën kundër korrupsionit.
