Një jurist i Mbretërisë së Bashkuar i përfshirë më parë në gjyqin e liderit serb të Bosnjës Radovan Karaxhiç po drejton një program të qeverisë britanike për të mësuar rreth 90 gjyqtarë ukrainas se si të kryejnë gjyqe ndaj trupave ruse për krime lufte, ka raportuar Sky News.
Grupit të parë të gjyqtarëve iu dhanë mësime në një ‘vend sekret në rajon’ javën e kaluar, sipas medias. Programi arsimor është pjesë e një investimi prej 2.5 milion stërlinash (3 milion dollarë), tha Sky News.
Victoria Prentis, e cila u emërua Prokurore e Përgjithshme në fund të tetorit, dha një pamje paraprake të programit në The Times në fillim të këtij muaji. Ajo tha se homologu i saj ukrainas po përballej me ‘një katalog të tmerrshëm krimesh lufte, me më shumë se 43,000 raste të regjistruara’ dhe u zotua për mbështetjen e saj në përpunimin e tyre.
Programi drejtohet nga Sir Hoëard Morrison, një avokat veteran britanik, i cili u emërua këshilltar i Prokurorit të Përgjithshëm ukrainas në mars.
Ai shprehu shpresën se figura të larta në udhëheqjen ruse mund të ndiqen penalisht për Ukrainën, ashtu si ish-presidenti jugosllav Slobodan Millosheviç dhe udhëheqësit serbë të Bosnjës u ndoqën nga Gjykata Speciale për ish-Jugosllavinë (ICTY).
