Papa Françesku feston sot ditëlindjen e 86-të. Ditëlindjen e tij Papa ka zgjedhur ta festojë duke vlerësuar tre persona që bëjnë bamirësi për të varfrit.
Siç shkruan Vatikan News, Papa Françesku vizitoi një konvikt në Romë të drejtuar nga Misionarët e Bamirësisë.
Ai shprehu mirënjohje ndaj Hanna Jallouf, Gian Piero dhe Silvano Pedrollo.
Jallouf është një prift françeskan i cili e ka kaluar jetën e tij duke u shërbyer të varfërve gjatë gjithë luftës shkatërruese civile të Sirisë.
Gian Piero është një burrë i pastrehë që jep një pjesë të lëmoshës që merr çdo ditë për ata që janë më keq se ai.
Pedrollo është një biznesmen nga qyteti italian i Veronës, i cili përdor një pjesë të madhe të fitimeve të biznesit të tij për të ndihmuar të varfërit në disa vende afrikane dhe të Amerikës Latine, si dhe në Indi, për të ndërtuar shkolla, puse dhe objekte të kujdesit shëndetësor.
Gjatë aktivitetit të së shtunës, Papa Françesku i dhuroi çdo bamirësi një glob të vogël të fiksuar brenda një kubi që vepron si piedestal.
Kubi është një “simbol i dashurisë që mban botën” dhe një dritare është përshkruar në glob që tregon Nënë Terezën duke përqafuar një fëmijë.
Ideja për dritaren erdhi nga një koment i bërë nga Papa Shën Gjon Pali II pas vdekjes së Nënë Terezës: “Nënë Tereza ishte një dritare e hapur nga e cila Jezusi shikonte dhe buzëqeshte dhe u dha ngushëllim dhe dinjitet kaq shumë njerëzve të varfër në shumë vende të botës”.
Papa Françesku lindi në 17 dhjetor 1936 në Buenos Aires, Argjentinë. Ai ka drejtuar Vatikanin që nga 13 marsi 2013, kur u bë Papa i parë i ardhur nga jashtë Europës.
