Një bombol gazi ka plasur në fshatin Vashtëmi të Maliqit pasditen e sotme.
Nga plasja janë plagosur tre persona të cilët ndodheshin në banesë.
Tre shtetasit e lënduar kanë marrë djegie trupore dhe ndodhen në spitalin e Korçës.
“Më datë 17.12.2022, rreth orës 16:15, në fshatin Vashtëmi, Maliq, në banesën e shtetasit R. K., 59 vjeç, dyshohet se nga pakujdesia ka plasur një bombol gazi. Për pasojë kanë marrë djegie trupore shtetasit R. K; djali i tij T. K., 34 vjeç, si edhe familjari i tyre shtetasi A. M., 40 vjeç, të cilët ndodhen në spitalin e Korçës nën kujdesin e mjekëve. Grupi hetimor po punon për sqarimin e rrethanave të ngjarjes”-njofton policia.
