Shefi i spiunazhit të Moldavisë tha se ekzistonte një rrezik “shumë i lartë” i një ofensive të re ruse drejt lindjes së vendit të tij vitin e ardhshëm dhe se Moska ende synon të sigurojë një korridor tokësor përmes Ukrainës në rajonin e shkëputur moldav të Transnistrisë.
Komentet e Alexandru Musteata, kreu i Shërbimit të Informacionit dhe Sigurisë, i bëjnë jehonë mesazheve të fundit nga Ukraina, ku gjeneralët e lartë të ushtrisë kanë paralajmëruar ditët e fundit për kërcënimin e një ofensive të re të madhe ruse në fillim të vitit të ardhshëm.
“Çështja nuk është nëse Federata Ruse do të ndërmarrë një avancim të ri drejt territorit të Moldavisë, por kur do ta bëjë këtë”, tha Musteata për kanalin televiziv TVR-Moldova.
Ai tha se agjencia e tij besonte se Rusia po shikonte disa skenarë për të arritur në Moldavi dhe se ishte e mundur që një ofensivë të fillonte në janar ose shkurt, ose më vonë në mars ose prill.
