Një patogjen i panjohur ka infektuar më shumë se 80 persona dhe ka vrarë dy fëmijë në provincën afgane të Zabulit, thanë autoritetet talibane. Sëmundja shkakton ethe tw forta e gjakderdhje nga goja e hunda.
Shefi i shëndetit publik taleban, Abdul Hakimi tha se klinikat në rrethin Shahjoy të provincës kanë parë një rritje të mprehtë të numrit të njerëzve që vuajnë nga sëmundja ‘e dyshimtë’ në javët e fundit, raportoi të martën Hasht-e Subh Daily e Afganistanit.
Dy pacientë vdiqën nga sëmundja gjatë javës së fundit, shtoi gazeta, me TOLONEnews që vuri në dukje se të dy ishin fëmijë.
Afganistani është një nga vendet më pak të zhvilluara në botë dhe sistemi i tij i kujdesit shëndetësor publik financohej pothuajse tërësisht nga donatorë të huaj derisa talibanët morën pushtetin pas tërheqjes së SHBA-së në vitin 2021.
Organizata Botërore e Shëndetësisë tani e konsideron sistemin shëndetësor të Afganistanit ‘në prag të kolapsit’ duke raportuar se më pak se një në pesë klinika shtetërore janë ende të hapura dhe sëmundjet si poliomieliti janë endemike.
Provinca Zabul u godit më parë nga një sëmundje e panjohur këtë verë, me të paktën 200 njerëz në Shahjoy që shfaqwn simptoma të ngjashme me kolerën në maj. Mjekët fajësuan për shpërthimin higjienën e dobët. Një shpërthim i pertusisit, ose kollës së mirë, infektoi 300 njerëz në Zabul në fund të nëntorit, duke marrë jetën e dy fëmijëve.
