Japonia lëshoi një notë protestë të premten për Korenë e Jugut për stërvitjet ushtarake të kësaj të fundit në Detin e Japonisë pranë ishujve të diskutueshëm, të kontrolluar nga Seuli.
Ministria e Jashtme japoneze tha se e përcolli notën e protestës përmes diplomatit të Koresë së Jugut Kim Yong Gil në ambasadën e Koresë së Jugut në Tokio.
Takehiro Funakoshi, drejtor i përgjithshëm në Byronë e Çështjeve të Azisë dhe Oqeanit në ministrinë e jashtme japoneze, i tha Kim se stërvitjet janë “krejtësisht të papranueshme” dhe “jashtëzakonisht për të ardhur keq”.
Seuli zhvillon stërvitje ushtarake dy herë në vit rreth dy ishujve të njohur si Takeshima në Japoni dhe Dokdo në Korenë e Jugut.
Stërvitjet e fundit u mbajtën të enjten.
Funakoshi theksoi se ishujt e diskutueshëm “janë një pjesë integrale e territorit japonez në dritën e fakteve historike dhe të bazuara në të drejtën ndërkombëtare”, tha ministria në një deklaratë.
Marina dhe Roja Bregdetare e Koresë së Jugut kreu stërvitjet dyvjeçare një ditë më parë për të “rritur mbrojtjen e ishujve të saj më lindorë të Dokdo”.
Ajo vjen gjithashtu pasi Tokio në Strategjinë e përditësuar të Sigurisë Kombëtare të publikuar javën e kaluar ripërsëriti pretendimet e saj mbi ishujt e diskutueshëm.
