Sulmet ruse vranë të paktën 10 persona dhe plagosën 68 të tjerë në qytetin jugor të Khersonit të shtunën. Kështu ka deklaruar presidenti ukrainas Volodymyr Zelensky, duke i kthyer rrugët kryesore në një skenë të tmerrshme xhamish të thyer, makinave të djegura dhe kufomave të gjakosura ndërsa lufta hyri në muajin e saj të 11-të.
Zelensky e denoncoi sulmin se kishte në shënjestër civilët, jo objektet ushtarake.
“Kjo nuk është luftë sipas rregullave të përcaktuara.”-shkroi ai në kanalin e tij Telegram, citon WSJ. “Është terror. Është vrasje për hir të frikësimit dhe kënaqësisë.”
Kherson, i vetmi kryeqytet rajonal i pushtuar nga Rusia që kur nisi pushtimin e saj të plotë më 24 shkurt, u çlirua nga Ukraina muajin e kaluar.
Që atëherë, ajo ka qenë shpesh në shënjestër nga forcat ruse të pozicionuara në bregun e majtë (lindor) të lumit Dnipro.
Moska ka mohuar në mënyrë të përsëritur të ketë shënjestruar civilët në sulmet e saj. Megjithatë, presidenti Vladimir Putin ka pranuar së fundmi vetëm se trupat ruse kanë goditur objektet kritike energjetike të Ukrainës.
