Një poshtërim elektoral për konservatorët në zgjedhjet e majit mund të bëjë që ish-kryeministri i Britanisë, Boris Johnson të kthehet në detyrë deri Krishtlindjet e ardhshme, ka thënë për Express ish-Sekretarja e Kulturës, Nadine Dorries. Dorries mbeti një nga mbështetëset më të vendosura të Johnson edhe pasi ai u rrëzua nga Downing Street në korrik.
“Unë mendoj se ka një mundësi, nëse sondazhet vazhdojnë të rrëshqasin deri në këtë periudhë të vitit të ardhshëm, ne do ta shohim Boris Johnson përsëri në Downing Street,” i tha Dorries gazetës britanike të hënën.
Dorries arsyetoi se popullariteti i ulët i kryeministrit Rishi Sunak, i shoqëruar me perspektivën e humbjes në zgjedhjet lokale në maj, do t’i bëjë deputetët konservatorë të kuptojnë se ia detyrojnë karrierën e tyre politike Johnson, i cili në vitin 2019 e drejtoi partinë në shumicën e saj më të madhe që nga viti 1987 nën Margaret Thatcher.
“Shumë nga njerëzit që ishin anti-Boris e kuptojnë se nuk janë asgjë,” vazhdoi ajo.
“Ata nuk kanë zë, askush nuk është i interesuar se çfarë honë, madje as në qendrën e punës.”
Johnson dha dorëheqjen në korrik pas muajsh skandalesh të përqendruara rreth shkeljes së rregullave të tij të bllokimit të koronavirusit. Ndërsa një valë dorëheqjesh brenda kabinetit të tij ndihmoi që Johnson të largohej, zëvendësuesit e tij, Liz Truss e ndjekur nga Rishi Sunak, bënë pak për të ringjallur popullaritetin e partisë me votuesit.
Sipas një sondazhi të fundit, konservatorët do humbnin pothuajse 300 vende nëse zgjedhjet e përgjithshme do të mbaheshin menjëherë dhe Partia Laburiste do arrinte një shumicë prej 314 vendesh.
Sipas sondazhit, Sunak jo vetëm që do humbiste postin e kryeministrit, por do humbiste edhe zonën e tij zgjedhore në Yorkshire.
Zgjedhjet e ardhshme lokale nuk do kërcënojnë drejtpërdrejt pushtetin e Sunak në pushtet, por do shërbejnë si barometër i opinionit publik mbi qeverinë e tij. Një humbje e madhe ka të ngjarë t’u japë zemër laburistëve të thërrasin për zgjedhje të përgjithshme përpara datës së planifikuar të janarit 2025. Udhëheqësi i laburistëve Keir Starmer kërkoi zgjedhje të përgjithshme në tetor pas dorëheqjes së Truss.
Dorries mbështeti Johnson gjatë gjithë skandalit ‘Partygate’ dhe akuzoi Sunak dhe konservatorët e tjerë kryesorë për orkestrimin e një ‘grushti shteti’ për ta hequr atë nga detyra. Që kur dha dorëheqjen pas emërimit të Truss në shtator, Dorries ka punuar mbi një libër për ‘rënien’ e Johnson.
