Çmimet globale të naftës u ngjitën në nivelin më të lartë në tre javë të martën, pasi importuesi më i madh në botë i naftës së papërpunuar, Kina, njoftoi se po i jepte fund disa prej kufizimeve më të rrepta të Covid-it, duke nxitur shpresat për një rikuperim të kërkesës për karburant.
Nafta e papërpunuar standarde ndërkombëtare Brent u rrit me 0.55%, në 84.38 dollarë për fuçi në orën 09:55 GMT ndërsa nafta e papërpunuar e Teksasit Perëndimor të SHBA u rrit deri në 80 dollarë. Të dy standardet arritën çmimin e tyre më të lartë që nga 5 dhjetori.
Kërcimi i çmimeve vjen pasi Komisioni Kombëtar i Shëndetit i Kinës njoftoi të hënën se do ndalojë së kërkuari nga udhëtarët që vijnë, që të hyjnë në karantinë, duke filluar nga 8 janari. Kufizimi ka qenë në fuqi që nga fillimi i pandemisë.
“Kjo është sigurisht diçka për të cilën tregtarët dhe investitorët kanë shpresuar,” u citua të thoshte nga Reuters analisti kryesor i tregut në Avatrade, Naeem Aslam.
Ekspertët thonë gjithashtu se shqetësimet për një shkurtim të mundshëm të prodhimit nga Rusia dhe shqetësimet për ndërprerjen e furnizimit në Shtetet e Bashkuara për shkak të stuhive të dimrit po i shtynin çmimet e naftës më të larta.
