Kryeministrja italiane Giorgia Meloni i ka kërkuar BE-së të vendosë një kërkesë të testit të koronavirusit në mbarë bllokun për të gjithë udhëtarët që mbërrijnë nga Kina, pasi Pekini njoftoi se do lehtësonte shumë kufizimet në udhëtimet ndërkombëtare.
Megjithëse po përballet me një rritje të infeksioneve, kombi aziatik liroi masat e tij të rrepta të kontrollit në fillim të këtij muaji.
Italia urdhëroi testimin e detyrueshëm të të gjithë udhëtarëve që vijnë nga Kina në fillim të kësaj jave, pas njoftimit të Pekinit se do t’i jepte fund karantinës së detyrueshme për udhëtarët nga 8 janari, duke rihapur efektivisht kufijtë e vendit.
“Ne morëm masa menjëherë,” tha Meloni në një konferencë për shtyp të enjten.
“Ne presim dhe shpresojmë që BE do të veprojë në këtë mënyrë,” vazhdoi ajo, duke shtuar se politika e Italisë do rrezikonte ‘të mos jetë plotësisht efektive’ nëse nuk zbatohet nga të gjitha vendet anëtare të bllokut.
