Tre persona janë paraqitur me shenja helmimi në spitalin e Shkodrës në mesnatë. Dyshohet se tre personat u helmuan nga uji i konsumuar në një lokal në Shkodër.
Shtetasja 41-vjeçare me iniccialet A.Z , së bashku me djalin e A.Z (14-vjeç) u dërguan në Tiranë për mjekim të specializuar, ndërsa i helmuar mbeti edhe kamerieri i lokalit shtetasi me inicialet M.M. Ky i fundit është 30-vjeç.
“Më datë 28.12.2022, rreth orës 23:30, në Spitalin Rajonal Shkodër, janë paraqitur për të marrë ndihmë mjekësore, shtetasja A. Z., 41 vjeçe dhe djali i saj, shtetasi A. Z., 14 vjeç, banues në Malësi të Madhe, si dhe shtetasi M. M., 30 vjeç (kamarier i lokalit), banues në Shkodër, të cilët dyshohet se janë helmuar nga uji i konsumuar në një lokal, në Shkodër.
Shtetasja A. Z., së bashku me djalin e saj, janë dërguar për mjekim më të specializuar, në Tiranë.
Grupi hetimor, në bashkëpunim me Drejtorinë Rajonale të AKU-së, Shkodër, nën drejtimin e Prokurorisë pranë Gjykatës së Rrethit Gjyqësor Shkodër, vijon intensivisht punën për sqarimin e plotë të rrethanave të kësaj ngjarjeje”-njofton policia.
