Një zjarr i madh përfshiu kompleksin e hoteleve dhe kazinove ‘Grand Diamond City’ në qytetin turistik të njohur kamboxhian Poipet, pranë kufirit me Tajlandën, të mërkurën mbrëma.
Nhem Phoeng, një zyrtar i lartë në bashkinë e Poipet, tha për Phnom Penh Post se më shumë se ‘dhjetë njerëz vdiqën’ ndërsa mbi 30 u plagosën, shumë prej të cilëve u transportuan në Tajlandë dhe u shtruan në spital atje.
Phoeng shtoi se shumica e viktimave ishin punonjëse kamboxhiane e tajlandeze.
Videot e postuara në mediat sociale duket se tregojnë njerëz të ulur në pragjet e dritareve dhe duke u hedhur në tokë ndërsa përpiqeshin të shpëtonin nga zjarri. Peerapan Srisakorn, një zyrtar në Fondacionin e Shpëtimit Aranyaprathet, tha për CNN se pa dy njerëz të vdisnin dhe disa thyen këmbët pasi u hodhën nga ndërtesa që digjej.
Zjarri shpërtheu për më shumë se pesë orë, sipas Gjeneralmajorit Sithi Loh, komisari i policisë provinciale. Policia tha se 400 persona besohet të kenë qenë brenda ndërtesës kur shpërtheu zjarri.
Sipas AFP, kazinotë e Poipet janë të njohura për vizitorët nga Tajlanda, ku shumica e formave të lojërave të fatit janë të paligjshme.
