Deputeti i zgjedhur nën siglën e Lëvizjes Socialiste për Integrim në vitin 2021 në qarkun e Shkodrës deklaroi në një intervistë për “5pyetjet.al” se e ka mbyllur kapitullin me partinë që tashmë drejtohet nga Ilir Meta.
Çela nuk ka treguar arsyet që e çuan atë të ndërpresë marrëdhëniet politike me Partinë e Lirisë por tregoi se çfarë mbi planet e të ardhmes.
Ai nuk e mohoi kalimin me PS-në, duke u shprehur se ka oferta.
Madje ai shihet edhe se përcaktues për zgjedhjet lokale 2023 pasi siç shprehet Çela u tregua dora e tij kur u zgjodh Bardh Spahia më 6 mars 2022 në Bashkinë e Shkodrës.
Intervista:
Zoti Çela mesa duket viti i ri do ju gjejë më ndryshime?
Besoj se viti i ri vjen me ndryshime. Nga Partia e Lirisë jam shkëputur, por vendimet e reja do të merren më vonë.
A keni ndonjë peng nga mbyllja e kapitulli me Partinë e Lirisë?
Nuk kam asnjë peng. Jam i realizuar në çdo gjë.
Si e priti zoti Meta?
Nuk e di si e ka pritur por u uroj edhe atyre mbarësi.
Kush do të jetë e ardhmja tani?
Unë jam shumë korrekt, kam mbyllur një lëvizje me Partinë e Lirisë, po shikoj rrugë të tjera. Kam shumë oferta nga parti të tjera.
A e mohoni një kalim me PS-në?
Absolutisht nuk e mohoj.
Çfarë përgjigje keni për ata që thonë se ju do të jeni vendimtar në kandidaturën e zotit Beci që PS të fitojë për herë të parë bashkinë e Shkodrës?
Nuk jam njeri që dora ime bën gjithçka, por është Shkodra që vendos. Por rasti u tregua me Bardh Spahinë, që i dhamë fitoren.
