Një shpërthim vdekjeprurës ndodhi të dielën jashtë një aeroporti ushtarak në kryeqytetin e Afganistanit, njoftoi Reuters, duke cituar një zëdhënës të Ministrisë së Brendshme të drejtuar nga talebanët.
Duke folur për agjencinë e lajmeve, Abdul Nafi Takor konfirmoi: “Këtë mëngjes ndodhi një shpërthim jashtë aeroportit ushtarak të Kabulit, për shkak të të cilit një numër qytetarësh tanë ranë dëshmorë dhe të tjerë u plagosën.”
Ai shtoi se ka nisur një hetim.
Al Jazeera, duke cituar forcat anonime lokale të sigurisë, raportoi se dhjetë persona ishin vrarë dhe tetë të tjerë u plagosën.
Sipas agjencisë së lajmeve AFP, shpërthimi goditi hyrjen e një aeroporti ushtarak, pranë Aeroportit Ndërkombëtar të Kabulit.
Forcat e sigurisë thuhet se kanë rrethuar zonën përreth vendit të shpërthimit. Sipas raporteve të pakonfirmuara të mediave, një zyrë e Ministrisë së Brendshme afgane, e cila ndodhet pranë aeroportit, ka marrë flakë.
