Numri i vendeve që kanë sinjalizuar gatishmërinë e tyre për të revokuar njohjen e Kosovës është rritur në dhjetë, tha të martën ministri i Jashtëm serb, Ivica Daçiç.
Beogradi po shton fushatën e tij të çnjohjes në përgjigje të asaj që e sheh si shkelje të marrëveshjeve të arritura nga Kosova me Serbinë, tha Daçiç për median serbe Vecernje Novosti.
Ministri kundërshtoi të zbulojë emrat e vendeve që morën vendimin, duke argumentuar se kombet e përfshira duhet të mbrohen nga presioni që mund të ushtrohej nga mbështetësit e fuqishëm të Kosovës.
“Ne e respektojmë pozicionin e tyre dhe nuk duam t’i ekspozojmë ndaj ndonjë presioni nga Prishtina, veçanërisht nga aleatët e saj”, tha Daçiç, duke shtuar se ‘duhet të jemi të kujdesshëm’. Sipas Vecernje Novosti, lista përfshin kombe nga Afrika, Karaibet dhe rajonet e Azi-Paqësorit. Disa prej tyre janë lojtarë rajonalë ‘me ndikim’ të aftë për të shkaktuar një ‘efekt domino’ kur bëhet fjalë për çnjohjen e Kosovës, pohon kjo media.
Sipas Daçiçit, Beogradi e shtoi fushatën e tij të çnjohjes së Kosovës si përgjigje ndaj shkeljeve të pretenduara të Prishtiës të marrëveshjeve të arritura me Serbinë në Uashington në vitin 2020. Në atë kohë, Kosova ra dakord të pezullonte anëtarësimin në organizatat ndërkombëtare në këmbim që Serbia të ndalonte fushatën e saj të çnjohjeve.
Para arritjes së marrëveshjes së vitit 2020, Beogradi pretendoi se kishte arritur të bindte 18 vende që të tërhiqnin njohjen e Kosovës megjithëse nuk i emëroi zyrtarisht këto kombe.
Megjithatë, sipas Vecernje Novosti, lista përfshin Sierra Leonen, Surinamin, Togon, Ganën, Naurun, Bashkimi e Komoros, Sao Tome dhe Principen, Guinea-Bissaun, Burundin, Liberinë, Lesoton, Grenadan, Madagaskarin, Komonuelthin e Dominikës, Papua Guinenë e Re, Ishujt Solomon, Palaun dhe Republikën e Afrikës Qendrore.
Jo të gjithë anëtarët e BE-së e njohin Kosovën me Greqinë, Rumaninë, Sllovakinë e Spanjën që nuk e kanë bërë ende këtë.
