Dy yjet e filmit të vitit 1968 ‘Romeo dhe Zhulieta’ paditën kompaninë Paramount Pictures duke kërkuar më shumë se 500 milionë dollarë dëmshpërblim të martën për një skenë nudo në filmin e xhiruar kur ata ishin adoleshentë.
Olivia Hussey, atëherë 15 dhe tani 71 vjeç, dhe Leonard Whiting, atëherë 16, tani 72 vjeç, ngritën padi në Gjykatën e Lartë të Qarkut të Los Anxhelosit duke pretenduar abuzim seksual, ngacmim seksual dhe mashtrim.
Regjisori Franco Zeffirelli, i cili vdiq në vitin 2019, fillimisht u tha të dyve se do vishnin të brendshme me ngjyrë mishi në skenën e dhomës së gjumit që vjen me vonë në film dhe u xhirua në ditët e fundit të xhirimeve.
Por në mëngjesin e xhirimit, Zeffirelli i tha Whiting-ut, i cili luante rolin e Romeos dhe Hussey-t, e cila luante rolin e Juliet, se ata do mbanin vetëm grim trupi, ndërkohë që i siguroi që kamera do pozicionohej në një mënyrë që nuk do të tregonte lakuriqësi.
Megjithatë, ata u filmuan nudo pa dijeninë e tyre, në kundërshtim me ligjet e Kalifornisë dhe ligjet federale kundër sjelljes së pahijshme dhe shfrytëzimit të fëmijëve, thuhet në padi.
Zeffirelli u tha atyre se duhet të vepronin nudo ‘përndryshe skena do dështonte’ dhe karriera e tyre do të dëmtohej, thuhej në padi. Aktorët ‘besonin se nuk kishin zgjidhje tjetër veçse të luanin nudo vetëm me grimin e trupit siç kërkohej’.
Të pasmet e zhveshura të Whiting dhe gjoksi i zhveshur i Hussey shfaqen shkurtimisht gjatë skenës.
Deklarata gjyqësore thotë se Hussey dhe Whiting kanë pësuar dëmtime emocionale dhe ankth mendor për dekada, dhe se secili ka pasur karriera që nuk pasqyrojnë suksesin e filmit.
Ai thotë se duke pasur parasysh vuajtjet dhe të ardhurat e sjella nga filmi që nga publikimi i tij, aktorët kanë të drejtë për dëme prej më shumë se 500 milionë dollarë.
