Presidenti amerikan Joe Biden e ka përshkruar konfliktin në Ukrainë si një fazë vendimtare, duke justifikuar premtimin e fundit të Uashingtonit për të dërguar më shumë armë të rënda në Kiev.
Deklarata e tij erdhi pasi Ukraina hodhi poshtë propozimin e Rusisë për një armëpushim të Krishtlindjeve Ortodokse.
“Tani për tani, lufta në Ukrainë është në një pikë kritike. Ne duhet të bëjmë gjithçka që mundemi për të ndihmuar ukrainasit t’i rezistojnë agresionit rus dhe Rusia nuk po përpiqet të ngadalësojë.” – tha Biden gjatë një takimi të qeverisë në Shtëpinë e Bardhë të enjten.
“Më herët këtë pasdite, pata një diskutim të gjatë me kancelarin gjerman Olaf Scholz për Ukrainën, aleancat tona në Evropë dhe BE. Ne kemi një kontigjent shumë më të madh vendesh që ndajnë pikëpamjet tona, duke përfshirë Japoninë dhe të tjerët.”
Biden theksoi vendimin e fundit të Uashingtonit për të furnizuar Kievin me automjete luftarake ‘Bradley’ dhe një bateri raketore të mbrojtjes ajrore ‘Patriot’, në një përpjekje për të mbështetur aftësitë ushtarake të Ukrainës.
