Policët në SHBA vranë 1,176 njerëz në vitin 2022, duke e bërë vitin e kaluar më vdekjeprurësin e regjistruar, sipas një grupi jofitimprurës që gjurmon dhunën e policisë. Megjithatë, oficerët u përballën me më shumë sulme ndaj jetës së tyre, pasi krimi në disa qytete u rrit me shpejtësi.
Mapping Police Violence, një projekt i lidhur me lëvizjen Black Lives Matter, zbuloi se policia qëlloi për vdekje, rrahu, kontrolloi dhe ndaloi 31 persona më shumë vitin e kaluar se në vitin 2021, ku u vranë 1,145 njerëz. Totali i 1,176 i vitit 2022 është shifra më e lartë vjetore që kur grupi jofitimprurës filloi të gjurmonte statistika të tilla në 2013.
Kishte vetëm 12 ditë pa asnjë vrasje të vetme të policisë vitin e kaluar. Zyrtarët vranë mesatarisht më shumë se tre persona çdo ditë, tregojnë statistikat. 132 nga këto vrasje përfshinin viktima që nuk ishin dyshuar për një krim dhe 98 përplasje fatale që nisën fillimisht si ndalesa rutinë në rrugë.
Rreth 24% e të vrarëve ishin me ngjyrë, pavarësisht se ata përbëjnë vetëm 13% të popullsisë së SHBA-së.
Shkalla e krimit të dhunshëm në SHBA është më shumë se përgjysmuar që nga viti 1993. Megjithatë, veprat e dhunshme u rritën në mënyrë dramatike në disa qytete si pasojë e protestave të vitit 2020, Black Lives Matter dhe oficerët kanë argumentuar se reformat liberale të drejtësisë penale që u miratuan pas vrasjes së George Floyd nga policia atë vi,t po u kushton atyre jetën.
Gjithsej 323 oficerë u qëlluan në krye të detyrës në të gjithë SHBA-në në vitin 2022, zbuloi Rendi Kombëtar Vëllazëror i Policisë (FOP) në një raport muajin e kaluar. Nga këta oficerë, 60 vdiqën, një rritje prej 23% në vdekje që nga viti 2019.
Presidenti Kombëtar i FOP, Patrick Yoes fajësoi për shifrat ‘prokurorët mashtrues’, për të cilët ai tha se po dështojnë ‘të ndjekin penalisht shkelësit e dhunshëm për krimet e tyre ose, edhe më keq po lirojnë shkelësit e përsëritur’.
New Orleans në Luiziana u bë kryeqyteti i vrasjeve të SHBA-së në vitin 2022. Të paktën 280 njerëz u vranë në New Orleans vitin e kaluar dhe policia atje vrau 13 persona.
