Amatorët e kërkimit të thesareve në Holandë po krehin fshatin pranë Ommeren pasi Arkivi Kombëtar Holandez publikoi një hartë që tregon një pasuri miliona eurosh në diamante, rubin, ar e argjend.
Harta, që u shfaq në Hagë, përmban një kryq të kuq mbi një vend pranë fshatit dhe përshkruhet nga arkivi si ‘një hartë e vërtetë thesari’. Vizatimet e hollësishme në hartë tregojnë se gropa është varrosur në bazën e një varri pranë një fushe, tre pemë ngjitur me atë që duket të jetë një gur varri.
Arkivistja Annet Waalkens i tha një gazete lokale se thesari u varros në gusht 1944, pas një shpërthimi në një bankë në qytetin e afërt të Arnhem. Një grup ushtarësh gjermanë bastisën bankën pas shpërthimit, duke mbushur katër kuti municionesh me plaçkë, përpara se ta varrosnin në vend.
“Kjo vlen disa miliona euro.” – tha Waalkens, duke shtuar se qeveria është përpjekur ta gjejë atë në shumë raste që nga fundi i luftës. Një ushtar gjerman, i cili pretendonte se kishte qenë dëshmitar i fshehjes, u soll për të ndihmuar kërkimin në vitin 1947 dhe megjithëse ai hartoi hartën, nuk u gjet asnjë thesar.
Luftimet u ndezën rreth Ommeren në vitin 1944, me forcat britanike që u larguan nga kalimi në Arnhem një muaj pasi gjoja u varros thesari.
“Është e mundur që thesari të jetë varrosur dhe të jetë hequr përsëri dy ditë më vonë.” – tha historiani Joost Rosendaal për gazetën lokale.
“Unë nuk do të habitesha fare nëse thesari do jetë zhdukej.”
Pavarësisht skepticizmit të Rosendaal, një gjuetar vendas thesari i tha Reuters se kishte ‘grupe njerëzish me detektorë metali kudo’ në zonë.
Megjithatë, këta gërmues ari po shkelin ligjin. Bashkia e Burenit, ku ndodhet Ommeren, ndalon përdorimin e detektorëve të metaleve pa leje. Për më tepër, Akti i Trashëgimisë së Holandës i vitit 2016 ndalon gërmimet arkeologjike amatore dhe kërkon që çdo artefakt i gjetur t’u raportohet autoriteteve lokale.
Bashkia paralajmëroi gjithashtu se për shkak të luftimeve intensive që u zhvilluan në zonë në vitin 1944, bomba të pashpërthyera, mina ose granata mund të fshiheshin nën tokë.
“Prandaj ne këshillojmë që të mos kërkoni për thesarin nazist.” – thuhet në deklaratë.
