Tenistja italiane Camila Giorgi është duke u hetuar nga policia e vendit të saj mbi pretendimet se ka paraqitur një certifikatë të rreme vaksinimi Covid-19 për të luajtur në turne gjatë gjithë vitit 2022, përfshirë Australian Open.
Sipas një raporti të La Repubblica, mjekja e Giorgi, Daniela Grillone, ka pretenduar se tenistja nuk ishte vaksinuar dhe se ajo kërkoi një certifikatë false Covid-19 nga mjekia.
Grillone u akuzua nga policia italiane në shkurt për ‘vaksinimin’ e mbi 100 personave me një serum të rremë dhe furnizimin me dokumente që deklaronin se subjekti ishte në përputhje me vaksinën. Ajo ka bashkëpunuar me hetuesit, duke pohuar versionin e saj.
“Familja Giorgi ka qenë nën trajtim me mua për një kohë të gjatë.” – tha Grillone në një intervistë për gazetën e përditshme Corriere del Veneto.
“Camila Giorgi vuante nga një problem që e pengonte të luante. Pak para fillimit të verës, ajo kishte ardhur duke kërkuar mundësinë e marrjes së vërtetimeve të rreme të të gjitha vaksinave të detyrueshme, si dhe të vaksinës kundër Covid. Mund të konfirmoj me siguri absolute se asnjë nga vaksinat kundër familjes Giorgi nuk është bërë. Unë nuk kam marrë asnjë pagesë në atë rast.
Jam shumë i mërzitur dhe më vjen keq për veprimin tim.” – tha ajo.
Nëse akuzat janë të vërteta, kjo do të thotë se Giorgi nuk do ishte në përputhje me rregulloret e vaksinës përpara Australian Open të vitit të kaluar, ku ajo u eliminua në raundin e tretë nga fituesi eventual Ash Barty.
Ajo gjithashtu luajti tre turne në Shtetet e Bashkuara vitin e kaluar, duke përfshirë US Open, pavarësisht se vaksinat ishin të detyrueshme për të hyrë në vend.
Giorgi aktualisht ndodhet në Australi, ku është planifikuar të garojë në Australian Open, që fillon në Melburn më 16 janar.
