Ukraina ka mohuar pretendimet e grupit mercenar rus Wagner se forcat e saj kanë marrë nën kontroll qytetin lindor të minierave Soledar, duke thënë se luftimet e ashpra në zonë ishin të ngjashme me Luftën e Dytë Botërore.
Beteja për kontrollin e Soledar – dhe qytetin e afërt të Bakhmut – është ndezur për javë të tëra, me ministrinë ruse të mbrojtjes duke thënë se njësitë ajrore tani kishin rrethuar qytetin nga veriu dhe jugu.
“Qyteti nuk është nën kontrollin e Federatës Ruse. Tani po zhvillohen beteja të ashpra,” tha Serhiy Cherevatyi, zëdhënës i komandës ushtarake lindore të Ukrainës. “Ka një situatë të komplikuar atje.”
“Intensiteti i betejave pranë Bakhmut mund të krahasohet me Luftën e Dytë Botërore,” shtoi zoti Cherevatyi. Kontrolli i Soledar dhe Bakhmut do t’u jepte forcave ruse një rrugë drejt zonave të tjera të Ukrainës lindore.
Më parë, kreu i grupit Ëagner, Yevgeny Prigozhin, tha se forcat e tij kishin një kontroll mbi Soledar. “Njësitë Wagner morën kontrollin e të gjithë territorit të Soledar. Një kazan është formuar në qendër të qytetit në të cilin po zhvillohen luftime urbane,” tha zoti Prigozhin, në një deklaratë të cituar nga agjencitë shtetërore ruse të lajmeve.
Diku tjetër, një zjarr i madh shpërtheu në një fabrikë fishekzjarre në Kharkiv, në verilindje të Ukrainës, pasi u godit nga një sulm rus të martën vonë, sipas autoriteteve lokale.
