Një hetim ka nisur në Xhamajka pasi legjenda e sprintit olimpik Usain Bolt thuhet se u njoftua se miliona dollarë mungonin në një nga llogaritë e tij të investimeve.
Sipas mediave vendase, skandali përqendrohet në firmën xhamajkane të investimeve Stocks and Securities Limited (SSL), ku një ish-punonjës është implikuar në akuza për mashtrim.
Menaxheri i Bolt, Nugent Walker, konfirmoi zhvillimet për median kombëtare The Gleaner të enjten, duke thënë se Bolt ishte vënë në dijeni për këtë çështje një ditë më parë dhe se policia dhe specialistët financiarë ishin thirrur.
“Bolt ka qenë me këtë entitet mbi 10 vite. I gjithë portofoli i tij po rishikohet.” – shtoi Walker.
Gleaner raportoi se një ish-punonjës i SSL-së është përzier në ‘mashtrim të madh duke përfshirë shumat e munguara nga llogaritë e Bolt.’, megjithëse nuk kishte informacion të mëtejshëm, për sa u përket shumave të sakta të përfshira ose periudhën kohore të mbuluar nga hetimi.
Bolt, 36 vjeç, u tërhoq nga garat pas Kampionatit Botëror 2017 në Londër. Ai fitoi tetë medalje të jashtëzakonshme të arta olimpike gjatë karrierës së tij dhe mbetet mbajtësi i rekordeve botërore në 100 metra dhe 200 metra.
Bolt ishte ylli më i madh në atletikë gjatë shkëlqimit, duke llogaritur 33 milionë dollarë fitime vetëm në vitin 2016 përmes parave të çmimeve, paraqitjeve dhe sponsorizimit.
Ai krenohet me marrëveshje fitimprurëse me kompani duke përfshirë gjigantin e veshjeve sportive Puma ndërsa vlera e tij e përgjithshme neto thuhet të jetë rreth 90 milionë dollarë.
