Seuli mund të armatoset me armë bërthamore taktike nëse tensionet me Korenë e Veriut vijojnë të rriten, ka thënë presidenti i Koresë së Jugut, Yoon Suk-yeol.
Kjo vjen pasi udhëheqësi i Koresë së Veriut Kim Jong-un tha këtë muaj se vendi i tij do zhvillonte një raketë të re balistike ndërkontinentale, pasi SHBA-ja dhe Koreja e Jugut po kërkonin të ‘izolonin dhe mbytnin’ Phenianin.
“Nëse problemi bërthamor i Koresë së Veriut bëhet më serioz, ne mund të vendosim të pajisemi me armë bërthamore taktike ose të kemi armët tona bërthamore.” – tha Yoon, i cili u bë president vitin e kaluar, gjatë një takimi të qeverisë siç citohet. nga mediat vendase.
SHBA-ja tërhoqi forcat e saj bërthamore nga Koreja e Jugut në vitin 1991 pas bisedimeve për çarmatimin me Phenianin dhe Moskën.
Marrëdhëniet janë përkeqësuar që atëherë, me Korenë e Veriut që ka shtuar testet e raketave vitin e kaluar dhe duke përfshirë të drejtën për të përdorur armë bërthamore në ligjin kombëtar në shtator.
Përshkallëzimi ka tronditur Seulin, i cili tani po kërkon të forcojë aleancën ushtarake me SHBA-në dhe të thellojë bashkëpunimin me Japoninë.
