Kongresmeni republikan George Santos, biografia dhe jetëshkrimi i të cilit janë ekspozuar si të trilluara që kur fitoi mandatin e tij në zgjedhjet e nëntorit, ishte një hajdut si e gënjeshtar, i tha Patch të premten një ish-shoku i dhomës.
Gregory Morey-Parker pretendoi se Santos, që asokohe quhej Anthony Devolder, vodhi shallin e tij ‘Burberry’ prej 520 dollarësh dhe e veshi atë në tubimin ‘Stop the Steal’ në Uashington DC një ditë përpara sulmit ndaj Kapitolit të SHBA-së më 6 janar.
“Më vodhën zgjedhjet.” – ankohet Santos në pamjet e mitingut të postuara në mediat sociale, me shallin e supozuar të mbështjellë rreth qafës së tij. Duke krahasuar vuajtjet e tij elektorale me atë të presidentit të atëhershëm, ai më pas pyeti turmën: “Kush është këtu gati të përmbysë zgjedhjet për Donald J. Trump?”
Megjithatë sipas ish-shokut të dhomës, politikani braziliano-amerikan nuk u ndal te vjedhja e shallit, , i cili i tha Patch se këmisha të shtrenjtae, telefona dhe çeqe nga një libër çeqesh gjithashtu u zhdukën ndërsa ai jetonte me Santos në apartamentin e tyre të ngushtë në Queens.
Një shok tjetër i dhomës, Yasser Rabello, konfirmoi se vjedhjet ndodhën midis viteve 2012 dhe 2014. Pavarësisht se e përfaqësonte veten në publik si një manjat i pasurive të paluajtshme, Santos më vonë u dëbua nga i njëjti apartament për mospagesë të qirasë.
Javët e fundit, pothuajse të gjitha hollësitë biografike të Santos janë ekspozuar si të rreme, nga prejardhja e tij etnike gjoja hebreje (e plotësuar me të afërm fals ukrainas të mbijetuar të Holokaustit) deri te arsimimi dhe jetëshkrimi i tij në Wall Street, bamirësia për shpëtimin e kafshëve shtëpiake dhe statusi i supozuar i të mbijetuarit të 11 shtatorit të nënës së tij.
Dikur i vlerësuar si republikani i parë homoseksual i zgjedhur në Kongres, Santos madje është akuzuar se ka gënjyer për seksualitetin e tij pasi u zbulua se ai ishte divorcuar nga një grua pak para se të kandidonte.
Partia Republikane e Qarkut Nassau të Nju Jorkut, bëri thirrje për dorëheqjen e tij të mërkurën, duke e denoncuar atë si një ‘njollë’ për republikanët, megjithëse doli se ata ishin në dijeni prej kohësh për disa prej trillimeve të tij. Stafi i tij i fushatës thuhet se dha dorëheqjen me neveri pasi ai kundërshtoi të hiqte dorë nga gara, pavarësisht nga hulumtimet e brendshme të opozitës që zbuluan shumë nga gënjeshtrat e tij.
