Personat me ngjyrë të San Franciskos, të cilët janë banorë të vjetër të qytetit Golden Gate, mund të marrin një shpërblim të papritur financiar, duke përfshirë një pagesë prej 5 milionë dollarësh, sipas planeve të propozuara të një komiteti reparacionesh për korrigjimin e mëkateve racore të së kaluarës.
Komiteti Këshillimor i Reparacioneve Afrikano-Amerikane të San Franciskos rekomandoi pagesa të menjëhershme për çdo banor me ngjyrë të kualifikuar në draftraportin për një plan që pritet t’i dorëzohet kryebashkiakut London Breed dhe drejtuesve të tjerë të qytetit në qershor. Paneli i emëruar nga qeveria, i cili u formua në vitin 2021, bëri gjithashtu thirrje për shlyerjen e të gjitha borxheve të banorëve me ngjyrë.
Megjithëse Kalifornia nuk ishte një shtet skllevërish, komiteti argumentoi se dëmshpërblimet janë të justifikuara dhe të nevojshme për të adresuar ‘politikat publike të krijuara në mënyrë të qartë për të nënshtruar njerëzit me ngjyrë në San Francisko duke mbështetur dhe zgjeruar qëllimin dhe trashëgiminë e skllavërisë së patundshme’.
Për t’u kualifikuar për dëmshpërblime, aplikantët duhet të jenë të paktën 18 vjeç dhe të jenë identifikuar si me ngjyrë të zezë në dokumentet publike për të paktën një dekadë. Përfituesit gjithashtu duhet të kenë banuar në qytet për të paktën 13 vjet, përveç nëse mund të plotësojnë kritere të tjera, si p.sh. të qenit pasardhës i dikujt që ishte skllavëruar në SHBA përpara vitit 1865, ose të jenë burgosur ‘nga Lufta e dështuar kundër drogës’.
Pavarësisht shlyerjes së borxheve të tyre dhe marrjes së 5 milionë dollarëve, banorët e kualifikuar gjithashtu do garantohen të marrin të paktën të ardhurat mesatare të familjeve të zonës së San Franciskos (AMI), aktualisht 97,000 dollarë, për të paktën 250 vjet.
“Duke rritur të ardhurat në përputhje me AMI-në, njerëzit me ngjyrë mund të përballojnë më mirë strehimin dhe të arrijnë një cilësi më të mirë jete.” – thuhet në draftraport. Përfituesit do të duhet gjithashtu të pajisen me përfitime të veçanta strehimi, pavarësisht nëse zgjedhin të marrin me qira ose të blejnë shtëpinë e tyre, tha komiteti.
San Francisko aktualisht ka më shumë se 46,000 banorë me ngjyrë, sipas të dhënave të Byrosë së Regjistrimit të SHBA. Nuk është e qartë se sa do kualifikohen për dëmshpërblime, ose si mund të financohet programi. Një task forcë e veçantë, mbarëkombëtare për dëmshpërblimet ka rekomanduar pagesa prej më shumë se 223,000 dollarë për çdo banor me ngjyrë të kualifikuar.
