Ish-presidenti amerikan Donald Trump tashmë po planifikon postimin e tij të parë në Twitter që kur llogaria e tij u rivendos nga Elon Musk, ndërsa fushata e tij paraqiti një peticion pranë Metaverse këtë javë me qëllim zhbllokimin e llogarive të tij në Facebook dhe Instagram, raportoi të mërkurën NBC News.
“Ne besojmë se ndalimi i llogarisë së Presidentit Trump në Facebook ka shtrembëruar dhe penguar në mënyrë dramatike diskursin publik.” – i shkruante fushata e Trump, Metaverse të martën, në një letër të parë nga NBC.
Letra i kërkoi Metaverse, kompanisë mëmë e Facebook dhe Instagram, ‘një takim për të diskutuar rikthimin e shpejtë të Presidentit Trump në platformë’.
Trump përdori llogaritë e tij në Twitter dhe Facebook për të drejtuar një valë mbështetjeje populiste në Shtëpinë e Bardhë në vitin 2016. Ai përdori Twitter-in për t’u grindur me rivalët e tij politikë dhe për të shpallur vendime të rëndësishme politike gjatë kohës që ishte në detyrë dhe për të akuzuar publikisht demokratët si ‘partia e manipulimit ‘ të zgjedhjeve të vitit 2020.
Trump u pezullua nga dy platformat dhe nga të tjerët pasi mbështetësit e tij u revoltuan në Capitol Hill në janar 2021. Megjithëse llogaria e tij në Twitter u rivendos në nëntor nga pronari dhe shefi i ri Elon Musk, Metaverse nuk ka marrë ende një vendim për ta kthyer atë në Facebook e Instagram.
Metaverse vendosi një ndalim dy-vjeçar për llogaritë e Trump në vitin 2021, i cili tashmë ka kaluar. Gjiganti i mediave sociale i tha NBC-së se ‘do shpallë një vendim në javët e ardhshme në përputhje me procesin që kemi parashtruar’.
