Berlini ka ndryshuar qëndrimin e tij për dërgimin e tankeve të betejës Leopard 2 në Ukrainë, duke rënë dakord më në fund t’i dërgojë, raportoi Der Spiegel të martën, duke cituar burime.
Sipas të përjavshmes, kancelari gjerman Olaf Scholz ka rënë dakord t’i sigurojë Kievit mjaft mjete të blinduara për të pajisur një kompani tankesh.
Ndërsa media nuk dha një numër të saktë, një kompani zakonisht përbëhet nga të paktën 16 tanke. Dorëzimi i afërt pritet të përfshijë një nga variantet më të fundit të mjetit luftarak, përkatësisht tanket Leopard 2A6.
Tanket në fjalë do vijnë nga stoqet e Bundesëehr-it të Gjermanisë, vuri në dukje Der Spiegel. Financial Times raportoi gjithashtu për vendimin e Berlinit, duke cituar burime ‘të njohura me këtë çështje’.
Më herët të martën, një përfaqësues i gjigantit gjerman të armëve ‘Rheinmetall’ i tha ‘RedaktionsNetzëerk Deutschland’ (RND) se kompania mund të ofrojë rreth 139 variante Leopard 2 në Ukrainë, me një grup prej 22 Leopard 2A4 që pritet të jetë gati për rreth një vit.
Kompania ka gjithashtu 29 tanke shtesë Leopard 2A4 në inventarin e saj, të cilët janë duke u riparuar si pjesë e programit të transferimit të armëve të Berlinit me vendet e tjera evropiane.
Këto automjete janë pothuajse funksionale dhe pritet të jenë gati në prill ose maj. Kompania mund të sigurojë gjithashtu 88 tanke më të vjetër Leopard 1, sipas përfaqësuesit, i cili nuk dha asnjë afat kohor se kur do funksiononin mjetet e blinduara të viteve 1960.
Ditët e fundit, Berlini sinjalizoi gjithashtu se ka ndryshuar qëndrimin e tij për dërgesat e tankeve të prodhimit gjerman në Ukrainë nga vendet e treta. Duke folur për transmetuesin francez LCI të dielën, ministrja e Jashtme gjermane Annalena Baerbock tha se nëse vende si Polonia do kërkonin zyrtarisht një leje të tillë, Berlini do i pengonte.
Mesazhi u përforcua nga ministri i ri i Mbrojtjes i vendit, Boris Pistorius, i cili nxiti vendet që zotëronin tanke Leopard 2 të fillonin stërvitjen e ekuipazheve ukrainase se si t’i përdornin ato.
Ndryshimi i dukshëm i Berlinit për çështjen e tankeve vjen pasi disa nga aleatët e tij, përkatësisht Polonia, kritikuan ashpër qeverinë e kancelarit Olaf Scholz për ngurrimin e saj për të autorizuar transferimin e mjeteve luftarake të prodhimit gjerman në Kiev. Varshava ka sinjalizuar se ishte gati ta bënte këtë pa lejen e Berlinit.
