Një i ri ka mbetur i plagosur me thikë pas një sherri në zonën e Freskut.
Shtetasi me inicialet G. C., 23 vjeç, gjatë një konflikti për motive të dobëta, dyshohet se ka goditur me mjet prerës shtetasin A. H., 25 vjeç.
“Shërbimet e Komisariatit të Policisë Nr. 4, pas marrjes së njoftimit se te Fresku, shtetasi G. C., 23 vjeç, gjatë një konflikti për motive të dobëta, dyshohet se ka goditur me mjet prerës shtetasin A. H., 25 vjeç, kanë organizuar menjëherë punën për kapjen e autorit të dyshuar.
Falë veprimeve të shpejta dhe profesionale, brenda një kohe rekord, shërbimet e Komisariatit të Policisë Nr. 4, kapën dhe arrestuan, për veprat penale “Vrasja me dashje” mbetur në tentativë, dhe “Prodhimi, mbajtja, blerja apo shitja pa leje e armëve të ftohta”, shtetasin G. C.
Shtetasi A. H., aktualisht ndodhet në spital, nën kujdesin e mjekëve.
Në cilësinë e provës materiale u sekuestrua automjeti tip “Audi”, i autorit të dyshuar.
Materialet i kaluan Prokurorisë, për veprime të mëtejshme procedurale”-njofton policia.
