Sërish ditën e sotme banorët e Bërxullës po protestojnë kundër ndërtimit të aksit Thumanë-Kashar, pasi rruga kalon nëpër pronat e tyre.
Banorët e kësaj zone ankohen se pronat e tyre janë shpronësuar nën vlerën e e vërtetë që kanë.
Gjatë protestës banorët janë përplasur me policinë, pasi kanë tentuar që të bllokojnë qarkullimin rrugor.
Banorët pretendojnë se nuk kanë marrë asnjë njoftim lidhur me projektin, e as për shpronësimet.
Sipas tyre, kompania Gener2 që ka fituar koncesionin, ka nisur punën në terren pa pasur një leje ndërtimi dhe në kundërshtim me ligjin duke theksuar se dëmshpërblimi i ofruar është qesharak. Banorët kërkojnë vetë diskutime dhe konsultim publik, duke paralajmëruar se protestat e tyre do të jenë të pandalshme derisa e drejta të fitojë.
