Administrata amerikane thuhet se ka vendosur të dërgojë raketa me rreze më të gjatë veprimi në Ukrainë, duke u dhënë forcave të Kievit aftësinë për të goditur objektiva më larg vijës së frontit.
Municionet e artilerisë raketore me diametër të vogël të lëshuar nga Toka (GLSDB) me rreze veprimi prej 150 kilometrash (94 milje) do jenë pjesë e një pakete të ardhshme ndihme ushtarake për Ukrainën me vlerë më shumë se 2 miliardë dollarë, raportoi Reuters të martën, duke cituar dy zyrtarë të paidentifikuar të njohur me planet.
Paketa do përfshijë gjithashtu armë shtesë antitank Javelin, automjete duruese ndaj minave, sisteme raketash me shumë lëshime (MLRS) dhe pajisje mbështetëse për sistemet e mbrojtjes ajrore Patriot.
Raketat GLSDB do u japin forcave ukrainase shtrirje të mëtejshme, pothuajse duke dyfishuar rrezen e municioneve MLRS dhe HIMARS.
Shefi i inteligjencës ukrainase Kirill Budanov u zotua të martën se ‘derisa të rivendoset integriteti territorial i Ukrainës, do ketë probleme brenda Rusisë’. Ai tha gjithashtu se Kievi synon të rimarrë Krimenë brenda verës së këtij viti.
