Ministria e Jashtme e Kinës shprehu “pakënaqësi të fortë” ndaj SHBA-së për rrëzimin e balonave të saj mbi Oqeanin Atlantik të shtunën, sipas AA.
“Kina shpreh pakënaqësinë dhe protestën e saj të fortë kundër përdorimit të forcës nga SHBA për të sulmuar avionët civilë pa pilot. Pala kineze ka informuar në mënyrë të përsëritur palën amerikane pas verifikimit që anija ajrore është për përdorim civil dhe ka hyrë në SHBA për shkak të forcës madhore – ishte plotësisht një aksident”, thuhet në një deklaratë.
“Kina do të mbrojë me vendosmëri të drejtat dhe interesat legjitime të kompanive përkatëse, duke rezervuar të drejtën për të bërë reagime të mëtejshme të nevojshme.”
SHBA-ja rrëzoi balonën e dyshuar kineze “spiune” të shtunën, e cila ishte parë mbi hapësirën ajrore të SHBA në brigjet e shtetit të Karolinës së Jugut.
Një operacion është duke u zhvilluar për të rikuperuar mbeturinat në Oqeanin Atlantik.
Sekretari i Mbrojtjes Lloyd Austin tha se vendimi u mor me udhëzimin e presidentit amerikan Biden.
