Ukraina do zëvendësojë ministrin e Mbrojtjes Oleksii Reznikov me shefin e agjencisë së saj të spiunazhit ushtarak, tha një aleat i ngushtë i presidentit Volodymyr Zelenskiy, në një riorganizim në ballë të fushatës së luftës në Ukrainë.
Reznikov do transferohet në një detyrë tjetër ministrore dhe do zëvendësohet nga Kyrylo Budanov, kreu i agjencisë së inteligjencës ushtarake GUR, tha David Arakhamia, një ligjvënës i lartë dhe shef i bllokut parlamentar ‘Shërbëtori i Popullit’.
“Lufta dikton ndryshime në politikën e personelit,” tha Arakhamia në aplikacionin e mesazheve Telegram.
Ai tha se agjencitë e ‘forcës’ të Ukrainës – si Ministria e Mbrojtjes – nuk duhet të drejtohen nga politikanë, por nga zyrtarë të mbrojtjes ose të sigurisë.
Arakhamia nuk tha se kur do të zyrtarizohej masa. Nuk kishte asnjë koment të menjëhershëm nga Reznikov.
Reznikov, 56 vjeç, u bë ministër i Mbrojtjes në nëntor 2021, vetëm disa muaj para se Rusia të niste ofensivën e saj në shkallë të plotë në Ukrainë më 24 shkurt 2022.
