Ikona e filmit për të rritur Ron Jeremy, emri i vërtetë i të cilit është Ron Hyatt, u dërgua në një spital mendor në Kaliforni pasi një gjykatës e gjeti atë të paaftë për të dalë në gjyq për dhjetëra akuza për sulm seksual.
Ai mund të mbahet atje deri në dy vjet, tha një zëdhënës i zyrës së Prokurorit të Qarkut në Los Angeles për Reuters.
Gjykatësi i Gjykatës së Lartë Ronald Harris vendosi që Jeremy nuk ishte kompetent për të ndihmuar në mbrojtjen e tij muajin e kaluar, tha avokati i aktorit, Stuart Goldfarb, për Associated Press, duke shprehur zhgënjimin që ‘për shkak të gjendjes së tij mendore ai nuk do shkonte në gjyq dhe të ketë mundësinë për të pastruar emrin e tij’.
Jeremy është në ‘rënie të pashërueshme mendore’, zbuloi gjykatësi pas shqyrtimit të provave nga prokurorët dhe mbrojtja e aktorit, duke sugjeruar se ai nuk ka gjasa të shërohet. Megjithatë, ai do marrë kontrolle periodike për të mbikëqyrur gjendjen e tij, me të parën të planifikuar për në maj.
Aktori i njohur si ‘Iriqi’, i cili është shfaqur në më shumë se 2000 filma, u arrestua në vitin 2020 me akuzën për sulm seksual ndaj katër grave.
Lajmi për arrestimin e tij solli dhjetëra gra të tjera që e akuzuan se ishin sulmuar seksualisht nga Jeremy kur ishin 15 ose 51 vjeç.
Incidentet e supozuara ndodhën në zonën e Los Anxhelosit gjatë një periudhe prej më shumë se dy dekadash, shumë në të njëjtin bar të Hollivudit të Perëndimit.
